Navenda Ragihandin û Çapemeniyê ya HPG’ê diyar kir tevgera leşkerî ya artêşa Tirk li Kurdistanê zêde bûye û ji şer derkeve kemîn tên danîn.

HPG’ê têkiladarî mijarê ev agahî da:

“1’ê Gulanê saet di navbera 13:00 - 13:30’î de li herêma Xakurkê pêgerên hewayî yên keşfê yên artêşa Tirk geriyane. Tevgera hewayî li herêmên me yên gerîla bi zêdeyî dewam dike. Li gor vê;

Heman rojê saet di navbera 17:00 - 18:00’an de li qada Şûkê û Avaşîn, di navbera saet 20.00’an û 2’ê Gulanê (îro) saet 09.30 li qada sînorê Avaşîn û qada Şukê, di navbera saet 20:00 û 2’ê Gulanê (îro) saet 09:30’î li herêma Heftanîn, 1’ê Gulanê di navbera saet 16:30 - 21:00’ê li herêma Garê, 2’ê Gulanê  saet 03:00 - 04:00 û 07:00 - 08:00 li herêma Metîna, 1’ê Gulanê di navbera saet 10:00 û 00:00 de bi navber li herêma Zapê pêgerên hewayî yên keşfê yên artêşa Tirk geriyane.

Di 1’ê Gulanê de saet di 16.00’an de li navçeya Gever a Colemêrgê, qereqola Oremarê li dijî herêma Şehîd Rahîme bi obus û hewanan bomberan pêk aniye. Di bomberana pêk hatiye de hêzên me yên gerîlayan bi çekên giran bersiv dane.

Di 1’ê Gulanê de saet di 14.00’an de ji qereqola Bîlîcan a di xeta sînor a herêma Zapê de û di bin kontrola artêşa T.C de ye, yekîneya leşkerî ya ji 20 kesî pêk dihat  li herêma ku di navbera herêma Devê Masiyan û Girê Munzur dimîne de, kemîn pêk anîne.  Artêşa Tirk heman rojê saet di 17.30’an de bê encam vekişiyaye. Her wiha qereqola Bîlîcanê  li hember Tepê Mirîşka û Talîsa bi tankan bombebaran pêk aniye.

Ji 30’ê Nîsanê de seat di navbera 05.00 û 2’ê Gulanê heta saetên sibehê, bi talîmata Fermandariya Tumen a Şirnexê li herêmên gundê Gundikê Melê, Guza Kurkê, Besta Boyê û Nala Benî yên girêdayê Şirnexê kemîn  hatin danîn.

Di 1’ê Gulanê de saet di navbera  19:00 - 00:00’an de li navçeya Stewrê ya Mêrdînê  li gundên Dêrik, Kuzerîp, Cirzê, Kir Dilek, Şutê, Ewîna û Dengiza, tevgera artêşa Tirk hatiye dîtin.

Di 1’ê Gulanê de saet di 21:00'an de ji qerekolên xeta sînor û navenda navçeya Çelê ya Colemêrgê tevgera leşkerî ya artêşa Tirk hatiye dîtin. Dîsa di heman saetan de  ji qerekolên xeta sînor, ji bo navenda Şirnexê sewqiyata leşkerî hatiye kirin.

Ev hefteyeke jî artêşa dagirker TC, li rêya bendava navçeya Farqîna Amedê kemînan datîne.

Di 2’ê Gulanê de saet di 00.00’an de  gerîlayên me bi armanca hişyariyê li pira ser rêya Farqînê çalakiya sabotajê pêk anî.  Li ser vê artêşa Tirk ketin û têketin girtin û opersyone daye destpêkirin.

Di 1’ê Gulanê de saet di 16:00'an de li ser rêya Îpek a nêzî gundê Kelê ya Ferqînê  artêşa tirk bi wesayîtên zirxî nokteya kontrolê bicih kirine. Artêşa Tirk ya ku ji vir encam negirt heman rojê êvarê şûnde vekişiyaye.”