Geverî da xuyakirin, ku piştî hilbijartina 7'ê Hezîranê desthilatdariya AKP'ê rêyek berê xwe li dîktatoriyê ye, daniye pêşiya xwe û got, "Aqûbeta sîstema şexsekî ya AKP'ê jî, wê mîna desthilatdariyên beriya wê, husran be. Jİ ber ku vîna demokrasî, edalet û azadiyê ya gelan wê destûrê nede vê yekê."

Geverî da xuyakirin, desthilatdariya AKP'ê ku fêhm kir bi bombekirina bajaran nikare Kurdan bitirsîne, niha jî êrîşî vîna gel dike û got, "Armanca desthilatdariya AKP'ê ya ji dîlgirtina siyasetmedar, parlamenter û hevşaredarên me ew e, ku gelê Kurd bêxwedî bihêle. Ev hikûmet êdî ji rê derket, nikare bisekine. Desthilatdariya AKP'ê bi tevizandina HJDP'ê re dixwaze di referandûmê de bi ser bikeve û ji bo di dema pêş de Kurdan bêbandor bike, rejîmeke faşîst bafirîne."

Parlamenterê HDP'ê Adem Geverî diyar kir, dozên li hemberî wekîlên HDP'yî hatine vekirin, hemû ji ber sedemên siyasî ne û got, "Cesareta me xwe dispêre ked û berdêlên giran ên gelê me. Em ê bi ti awayî destûrê nedin vê dîktatoriya palyaço, ku gelê me ji demokrasiyê vedigire. Ji ber vê yekê, hem em ê li ber operasyonên qirkirina siyasî bisekinin, hem jî bi girtina encameke serketî di referandûma Nîsanê de, em ê pêşî li rejîma Tayyîp Erdogan bigirin."