Êrîşên hewayî yên li dijî qadên gerîla dewam dikin
HPG'ê da xuyakirin, ku êrîşên hewayî yên li dijî Herêmên Parastinê yên Medyayê dewam dikin.
HPG'ê da xuyakirin, ku êrîşên hewayî yên li dijî Herêmên Parastinê yên Medyayê dewam dikin.
Navenda Ragihandin û Çapemeniyê ya HPG'ê li ser êrîşên dawî yên artêşa Tirk daxuyaniyeke nivîskî weşand.
Di daxuyaniyê de hat ragihandin, balafirên şer ên Tirk, di 19-20'ê Sibatê de qadên Şikefta Birîndaran, Cîloyê Biçûk, Kokerê, Çemço û Kanî Sarkê yên li herêma Zapê, qada Mervanis û Dola Şive yên herêma Avaşînê û girê gundê Sêgirê yê navçeya Amediye ya Duhokê bombe kirin.
Di daxuyaniyê de hat destnîşankirin, ku hêzên gerîla piraniya van êrîşên hewayî pûç kirine û li ser encamên vê bomberdûmanê ev agahî hatin dayîn:
"Nûçeyên ku medya şerê taybet a dewleta Tirk li ser windahiyên me weşandin, ne rast in. Di hemû êrîşan de 4 hevalên me şehîd bûne û 5 hevalên me jî birîndar bûne. Nasnameyên 4 gerîlayên me yên şehîd bûne, wê piştre bên eşkerekirin."
Di dewama daxuyaniya Navenda Ragihandin û Çapemeniyê ya HPG'ê de, li ser herêmên hatine bombekirin jî, ev agahiyên berfireh hatin dayîn:
"20'ê Sibatê saet di navbera 00:00-03:00 de balafirên şer ên artêşa TC derdora gundê Sida yê herêma Zapê, qadên Cîloyê Biçûk, Kokerê û Şikefta Birîndaran, her wiha 21'ê Sibatê saet di navbera 05:30-07:00 de qada Çemço û gundê Kanî Sarkê bombe kirin.
20'ê Sibatê saet di navbera 10:00-10:30 de balafirên şer girekî li dora gundê Sêgirê yê navçeya Amediyê bombe kirin.
20'ê Sibatê saet di navbera 12:00-12:45 de mintiqeya Mervanis a herêma Avaşînê û roja 19ê Sibatê saet di navbera 11:00-12:00 de jî mintiqeya Şivê ji aliyê balafirên şer ve hatin bombekirin."