Çeteyên DAIŞ'ê duh şev di saet 24.00 de ji bo dorpêça li ser navenda Minbicê rakin, ji sê milan ve erîş kirin. 

Êrîşa destpêkê ji gundê Oseclî yê li başûrrojavayê bajêr hat kirin. Şervanên Meclîsa Leşkerî ya Minbicê di cih de bersiv dan û di şerê li vir de 24 çete hatin kuştin. Her wiha cenazeyên 14 çeteyan, 7 çekên keleşnîkov û 4 rext û gelek cebilxane hatin desteserkirin. 

Êrîşa duyemîn jî ji gundê Zonxil ê li bakurrojavayê bajêr e hat kirin. Şerê li vê derê heta ber destê sibehê dewam kir û 13 çete hatin kuştin.

Êrîşa sêyemîn jî ji gundê Til Ûm Serac ê li başûrê bajêr e, hat kirin. Piştî vê êrîşê şerek derket, lê hejmara mirî û birîndarên çeteyan nehat zelalkirin.