Cenazeyê Şervanê YPG'ê Ebû Cebel hat veşartin
Cenazeyê Şervanê YPG'ê Ebû Cebel Serêkaniyê li Goristana Şehîd Rûstem Cûdî bi merasîmekê hat veşartin.
Cenazeyê Şervanê YPG'ê Ebû Cebel Serêkaniyê li Goristana Şehîd Rûstem Cûdî bi merasîmekê hat veşartin.
Bi sedan welatiyên bajarê Serêkaniyê, Dirbêsiyê û bajarokê Zirganê cenazeyê şervanê YPG′ê Ebd El-Mecîd Irahîm (Ebû Cebel Serêkaniyê) ê ku di 16′ê Sibatê de, di Pêngava Xezeba Firatê de li başûrê Reqayê jiyana xwe ji dest dabû, ji Nexweşxaneya Roj a bajarê Serêkaniyê girtin û ber bi Goristana Şehîd Rûstem Cûdî ve ketin rê.
Li goristanê merasîmekî leşkerî ji aliyê şervanên YPG′ê ve hat lidarxistin. Piştre li ser navê Meclîsa Malbatên Şehîdan a bajarê Serêkaniyê Zehra Qido bixêr hatina hemû beşdarvanan kir û got: ″Gelên herêmê bi saya fedekariya cangoriyên azadiyê, azad bûn û li ser axa xwe dijîn.″
Li ser navê YPG û YPJ′ê Agirî Jînda jî axivî û got ku serkeftinên ku li herêmê hatine bidestxistin, bi saya xwîna şehîdan û felsefeya Rêbertiyê pêk hatine.
Her wiha Hevserokê Meclîsa TEV-DEM′ê yê Kantona Cizîrê Xelîl Osman jî anî ziman ku Ebû Ceber û hevalên xwe û bi saya têkoşîn û berxwedana xwe, biratiya gelan afirandin û wiha pê de çû: ″Îro em Kurd, Ereb, Suryan û Çeçen bi yek destî û di eniyekê de şer dikin û li hemberi tarîtiya çeteyan li ber xwe didin, da em biratiya gelan û jiyana azad bafirînin.″
Piştre jî kurê apê şehîd Xidir Îbrahîm axivî, sersaxî ji hemû malbatên şehîdan re xwest û soza şopandina rêya wan da.
Piştî ku nasnameya Şervanê YPG'ê Ebû Cebel Serêkaniyê hat xwendin, cenazeyê wî li goristanê hat veşartin.