Artêşa Tirk bombe li Garê barand

Balafirên şer ên Tirk bombe li Garê ya Herêmên Parastinê yên Medyayê barandin.

Navenda Ragihandin û Çapemeniyê ya HPG'ê da xuyakirin, ku dewleta Tirk di êvara 12'ê Sibatê de careke din êrîşeke berfireh pêk aniye. HPG'ê ragihandin, êrîş ji aliyê gelek balafirên şer ve hatiye kirin û ev agahî da:

"Roja 12'ê Sibatê saet di navbera 18:00 - 20:00 de balafirên şer; qadên Siyane, Çar Kanî, Meroke, Deşta Kafya, Gundê Yekmalê û Gundê Cemşerîtkê yên Garê bombe kirine. Ji ber bomberdûmanê zirar li dehl û rezên gundiyan çêbûye."

TEVGERA HEWAYÎ

HPG'ê diyar kir ku tevger balafirên keşfê û şer jî didome û ev agahî bi raya giştî re parve kir: "12'ê Sibatê saet di navbera 06:30 - 15:00 de li herêma Avaşînê, saet di navbera 07:00-16:00 û 20:00-21:00 de li qada Gundê Fileha yê herêma Zapê, saet di navbera 07:00-16:00 û 18:00-21:30 de li herêma Metîna, 12'ê Sibatê saet di 10:00 heta 13'ê Sibatê (îro) saet di 10:00 li herêma Zapê, roja 12'ê Sİbatê saet di 15:00 heta 13'ê Sibatê saet 06:00 li herêma Garê balafirên keşfê yên bêmirov geriyane.

12'ê Sibatê saet di navbera 11:00-15:00 û 18:00-00:00 de li herêma Zapê û saet di navbera 18:00-21:30 de li herêma Metîna balafirên şer geriyane."

ÊRÎŞA BI OBUS, HAWAN Û TANKAN

Li êrîşa bi obus, hawan û tankan a artêşa Tirk ev agahî hat dayîn:

"Roja 12'ê Sibatê saet di navbera 16:30-17:00 de qereqola Oremarê ya li navçeya Colemêrg Geverê; qadên Şehîd Gafûr û Dola Bira yên li Avaşînê, saet di navbera 23:30-00:00 de qereqola Oremarê, derdora xwe, saet di navbera 07:30-08:00 de qereqola Êrîş a li navçeya Colemêrg Çelê; qada gundê Şamkê yê herêma Zapê bi obus, hawan û tankan bombe kirine."