Miftitiya Bajêr a Wanê fermanên ku ji hêla hikûmeta AKP’ê ve têne dayîn, bi cih tîne. Beriya bi du hefteyan ji ber ku tevlî mîtînga HDP'ê bûbûn 3 keya ji peywirê hatibûn girtin, vê carê jî li Ebexê meleyê gundê Karadulê yê Ebexê Mehmet Koç bi sedema ku tevlî merasîma cenazeyên PKK'yiyan bûye ji peywirê hate girtin û meleyekî dî li şûna wî hate danîn.

MIFTÎTÎ: EM Ê ŞÎROVEYAN NEKIN

Rayedarên Miftitiya Bajêr ku ji ber mijarê me xwe gihandiye, got, ew ê ti agahiyan nedin. Rayedarên Miftitiyê gotin, heya ku bi awayekî nivîskî ew serî li wan nedin wê ti bersivekê nedin wan û li hemberî pirsa, "Mela ji bo ku tevlî merasîma cenazeyên PKK’yiyan bûye ji peywirê hate girtin?" got, "Em ê şîrove nekin, rayeya me nîn e."