Feb 23, 2017

KJC: Komkujiya Parîsê ji bo me sedema şoreşê ye

Komalên Jinên Ciwan (KJC) bi wesîleya salvegera komkujiay Parîsê daxuyaniyeke nivîskî weşand û diyar kir, ew ê xwedî li xeyalên Sakîneyan derkevin. KJC got, komkujiya Parîsê ji bo wan sedema şoreşê ye.

Sunday, January 8, 2017 7:38 AM
NAVENDA NÛÇEYAN - ANF

Bi wesîleya salvegera komkujiya Parîsê, ku di 9'ê Çileya 2013'an de şoreşgerên Kurd Sakîne Cansiz, Fîdan Dogan û Leyla Şaylemez hatin kuştin, rêxistina jinên ciwan Komalên Jinên Ciwan daxuyaniyek weşand. Di daxuyaniyê de hat ragihandin, bîranîna her sê jinên şoreşger ên Kurd rêya wan ronî dike û hat gotin, "Em soza xwe dubare dikin ku em ê bi azadkirina Rêberê xwe re xwedî li xeyalên wan derkevin."

Di dewama daxuyaniyê de hat destnîşankirin, Sakîne Cansiz xeta jiyanê ya jinan, Leyla Şaylemez pêşenga jinên ciwan û Fîdan Dogan jî dengê azad ê tevgera jinê ye û hat ragihandin, kuştina wan peyama gefê ya hêzên hegemon a li dijî jinan e.

Daxuyaniyê wiha dewam kir: "Jinên ciwan li dijî vê komkujiyê, di şexsê Şehîd Ronas, Şehîd Bermal, Şehîd Bêrîvan û Şehîd Axînan de bi berxwedanê bersiv dan zaliman. Di her kar, çalakî u rêxistiniya xwe de em ê sekna Şehîd Sara nemir bikin û bi vî rengî tevlî têkoşîna şoreşê bibin. Em bi biryar in ku di sala 4'an a komkujiya parîsê de, mîna Axîn û Ronasan hesab bipirsin. Şehîd Sara çawa ku tuf li rûyê zaliman kir, weke şopdarên têkoşîna wê em ê jî di şexsê dewleta Tirk de hesab ji hêzên komploker bipirsin. Lazim e hemû jinên ciwan ên welatparêz, demokratîk û sosyalîst ji malên xwe biherikin kolanan û hesab bipirsin. Komkujiya Parîsê sedema me ya şoreşê ye."