Li paytexta Yewnanîstan Atînayê şehîdên meha Gulanê hatin bîranîn. Bîranîn ji aliyê Tevgera Ciwanên Şoreşger (TCŞ) û Komeleya Çanda Kurdistanê ve hat lidarxistin. Bi sedan kes û endamên MLKP’ê beşdarî bîranînê bûn. Di bîranînê de wêneyên şehîdan û Rêberê Gelê Kurd Abdullah Ocalan hatin danîn. Di bîranînê de ji bo şehîdan rêz hate girtin.

Di bîranînê de li ser navê TCŞ, Komeleya Çanda Kurdistanê û MLKP'ê axaftin hatin kirin û bal kişandin li ser ser mîrateya berxwedanê ya şehîdên Gulanê. Di axaftinan de hat destnîşankirin ku têkoşîna hevpar a gelan, jinan, karker û kedkaran a li dijî faşîzmê li her derê mezin dibe.

Piştî axaftinan sînevîzyona li ser şehîdên meha Gulanê û têkoşîna wan hate pêşandan.

Bîranîn bi dirûşmeyên "Bijî Serok Apo", "Bijî berxwedana gerîla" û "Şehîd namirin" bi dawî bû.