Di bin sîwana Komeleya Navenda Çanda Kurdên li Dresdenê( Deutsche-Kurdische Kultur e.V) piştî tedbîrên şewba koronayê kêm bû, xebatên çand, huner û ziman hatin destpêkirin. Yek ji wan xebatan jî kursa zimanê dayikê ye.

Endamên lijneya Komeleyê piştî amadekariyan, biryar dane ku koma yekemîn ji bo zarokên di navbera 6-12 salî were çêkirin. Koma ku ji 12 zarokan pêk dihat îro bi heşt zarokan dersa yekemîn hat kirin. Zarokên tevlî kûrsê bûn bi kêf û coş tevlî dersê bûn.

Hat hînbûn kû koma duyemîn wê ji kesên temenê wan mezin pêk bê. Yên ku dixwazin tevlî kursan bibin dikarin ji vê adresê re serlêdanê bikin:

Oschatzer str 28, 01127 Dresden