Ciwan li qadan in: Em ê li her derê têkoşînê mezin bikin

Endamên Tevgera Ciwanên Şoreşger (TCŞ) û Jinên Ciwan ên Têkoşer (TekoJIN) ji bo azadiya fîzikî ya Rêberê Gelê Kurd Abdullah Ocalan li Zurîhê çalakî li darxistin.

Endamên Tevgera Ciwanên Şoreşger (TCŞ) û Jinên Ciwan ên Têkoşer (TekoJIN) ji bo azadiya fîzikî ya Rêberê Gelê Kurd Abdullah Ocalan li îstasyona trenê ya sereke ya bajarê Zurîhê çalakî li darxistin. Ciwanan di saet 18.30’an de di hindirê Haûptbahnohof (HB) alên Rêberê Gelê Kurd Abdullah Ocalan û TCŞ’ê hildin û pankartên “Freheit fur Ocalan” (Ji bo Ocalan azadî) hildan û dest bi çalakiyê kirin. Ciwanan di çalakiyê de dirûşmeyên “Bijî Serok Apo”, “Digdator Erdogan”, “Es lebe Ocalan” û “Bijî berxwedana gerîla’ berz kirin.

Ciwanan di çalakiyê de broşurên “Abdullah Ocalan kiye? û çima divê azad bibe“ belav kirin.

Kesekî navê wî ne diyar xwest çalakiya ciwanan proveke bike. Ligel provekirinê jî polîsan mudaxeleyî kesê proveker nekir. Li ser vê yekê ciwanên çalekger çûn li gel polîsan û sedema mudaxlenekirinê pirsin. Polîs ji ciwanan re got, “Ez ji Tirkim“ û bi zimanê Tirkî heqaret li ciwanan kir.

Ciwanan li dijî provekirin û heqareta polîsan, anî ziman ku wê li dijî faşîzmê li her derê têkoşînê mezin bikin û çalakiyan xurt bikin.