Dîdar Harûn (Gulîstan Akgol) ku di 1’ê Hezîranê de di şerê Zapê de bi 2 rêhevalên xwe re şehîd bû, li bajarê Hannover ê Elmanyayê hat bîranîn.
Çalakiya bîranînê ya ku ji aliyê Jinên Ciwan ên Têkoşer (TEKO-Jin), Tevgera Jinên Kurd a Ewropayê (TJK-E) û Saziya Malbatên Şehîdan (KOMAW) ve hat organîzekirin, deqeyek rêzgirtinê ya di şexsê şehîd Dîdar de ji bo bîranîna hemû şehîdên şoreşê û berzkirina dirûşmeyên “Bijî Serok Apo” û “Şehîd namirin” ve destpê kir.
Li ser navê malbata şehîd Dîdar Harûn Hunermend Serhado axivî û diyar kir ku rola ciwanên Kurd ên li Ewropayê dijîn di warê têkoşînê de girîng e û divê her tim şehîdên weke Şehîd Dîdar ji xwe re mînak bigirin. Serhado anî ziman ku şehîd Dîdar Harûn ê ku ji zarokatiya xwe ve wî nas dike, xwedî îradeyeke mezin bû.
Piştî bîranînê ku li ser navê KOMAW û TJK-E’yê jî mafê axaftinê hat girtin, sînevîzyona ji bo Şehîd Dîdar hatibû amadekirin û nirxandina Hevserokê Konseya Rêveber a KCK’ê Cemîl Bayik a li ser Şehîd Dîdar hate temaşekirin.