Desteya Rêveberiya Navendî (DRN) ya Partiya Demokratîk a Gelan (HDP), piştî Lîderê Şoreşa Kubayê Fîdel Castro jiyana xwe ji dest da peyamek nivîskî weşand.
Di peyamê de ev hatin gotin:

“Me wefata Fîdel Castro yê 90 sal emrê xwe ji bo têkoşîna serxwebûn, sosyalîzm û şoreşê ya gelê Kubayê û tevahî gelên mazlûm ên cîhanê kir xelat bi xemgînî bihîst.
Fîdel Castro ku yek ji hevrêyên herî nêz ê şoreşgerê efsûnewî Che Guevara ye, ne tenê ji bo gelê Kubayê, li dijî dîktatorî û rêveberiyên faşîst ji bo tevahî gelên berxwedêr bûye çavkaniya îlhamê.

Fîdel Castro sembola têkoşîna wekhevî û azadî, li dijî zextê berxwedan, îdeala sosyalîzmê bû û wê her tim wisa bê bibîranîn.

Wek Partiya Demokratîk a Gelan, em ji hevrêyên Fîdel Castro, tevahî gelê Kubayê û her kesên ku ji bo îdealên Castro şer kirine sersaxiyê dixwazin.
Em ê rêberê Şoreşa Kubayê yê nebez bi rêzdarî bi bîr bînin.”