Ber destê sibehê saet di 03:36'an de li herêma bi 150 km'yî li bakurrojhilatê paytext Romayê, bi dijwariya 6,2 pileyî erd hejiya. Erdhejê xisar li gelek komunan kir. Li gorî daxuyaniyan 38 kesan jiyana xwe ji dest dan û gelek kes winda bûn.

Li herêma çiyayî ya erd lê hejiya, herî kêm 3 gund hilweşiyan. Xebatên tîmên lêgerîn û rizgarkirinê yên li vê herêmê dewam dikin. Saziya parastina sivîl a Îtalyayê Immacolata Postiglione da xuyakirin, ku di binê xirbeyan de hê gelek mirov hene û ew bi fikar in ku hejmara miriyan zêde bibe.

Ji ber erdhejma li Îtalyayê, ji gelek welatên Ewropa û cîhanê alîkarî û ekîbên alîkariyê hatin şandin.