1’emîn Mîhrîcana Mûzîkê ya Amedê di 5’emîn roja xwe de bi bernameyek dewlemend dewam kir. Di bermaneya îro de Hozan Comert û Dengê Êzîtxan jî di nav de gelek hunermend derketin pêşberî gelê Amedê.

1’emîn Mîhrîcana Mûzîkê ya Amedê ku ji aliyê Şaredariyên Bajarê Mezin a Amedê, Peyas, Sûr, Yenîşehîr û Rezan ve tê lidarxistin di 5’emîn roja xwe de bi coş berdewam kir. Di bernemeya duh de, di çarçoveya Çalakiya Hêvanê de Dengê Êzîdxan û Ûdî Yervand li Navenda Çand û Hunerê ya Cegerxwîn konserek dan. Mûzîkhezên tevli çalakiyê bûn bi taybet li gel mûzîka otantîk a Dengê Êzîdxan ji xwe çûn. Piştî Dengê Êzîdxan, Ûdî Yervand derket ser dikê û stranên xwe pêşkeş kir.

Di saetên êvar de vê car gelê Amedê Qada Deriyê Çiyê ji bo konserê tije kir. Piştî ku li qadê cih nema û tije bû ji rêzê ve Koroya Jinan, Koma Bajar, Hunermend Zelê Melê, Hunermend Yaşar Kurt û Hozan Comert derketin ser dikê. Gelê ku qad tîje kiribûn bi stranên dimilî, kurmancî û tirkî coşiyan. Dema ku Hozan derket ser dikê coşa gel derket asta herî bilind. Gelê tevli konserê bû li gel stranên Comert durûşmên ‘Bijî Serok Apo’ û ‘Şehîd namirin’ berz kir.

Di vê navberê de dema konser dihat lidarxistin ciwanek ji aliyê polîsan ve hat binçavkirin. Sedema binçavkirina ciwanê ku nasnameya wî nehat hînbûn nehat zanîn.